მკითხველს წარმოვუდგენთ პირველ ტომს ორი ტომიდან, რომელთა საერთო სახელწოდებაა „გზის ფსიქოლოგიური ტოპოლოგია“. ავტორის ჩანაფიქრის თანახმად, „გზის ფსიქოლოგიურ ტოპოლოგიად“ წოდებული ორტომეული წარმოადგენს ლექციების კურსის, მოსამზადებელი ჩანაწერებისა და სხვა საარქივო მასალების კრებულს, რომელიც უკავშირდება მერაბ მამარდაშვილის მიერ საკუთარი ფილოსოფიური ნააზრევის „მოსაზრება-ამოთქმას“ მე-20 საუკუნის ერთ-ერთი უმნიშვნელოვანესი ლიტერატურული ნაწარმოების – მარსელ პრუსტის რომანის –  „დაკარგული დროის ძიებაში“ – საფუძველზე. მ. მამარდაშვილისთვის პრუსტის რომანი უნიკალურ სივრცეს ქმნის იმის გასაგებად, რასაც მოვლენის ფენომენოლოგია შეიძლება ვუწოდოთ.

ამ ტომში მკითხველი გაეცნობა მ. მამარდაშვილის მიერ 1981-1982 წლებში თბილისის სახელმწიფო უნივერსიტეტის სტუდენტებისთვის წაკითხული სალექციო კურსის მეორე, შევსებულ და შესწორებულ გამოცემას (პირველი გამოცემა, სახელწოდებით „ლექციები პრუსტზე“, 1995 წელს შედგა).

განყოფილებაში „არქივიდან“ პირველად ქვეყნდება 1981-1982 წლების ლექციების მოსამზადებელი მასალები ისევე, როგორც პირველად, და სრული მოცულობითაა წარმოდგენილი მასალები, რომლებიც მ. მამარდაშვილის მიერ პრუსტის რომანზე („დაკარგული დროის ძიებაში“) მუშაობის ადრეულ პერიოდს ეხება.